Чадангууд” зочид буудал нь 2007 онд байгуулагдсан. Нийт 20 ор бүхий 13 өрөөтөй. Тус зочид буудал нь биллъярд, ширээний теннисний клуб, 200 хүний суудалтай хурлын заал, 60 хүний суудалтай ресторан, саунтай. Барилга нь буриад түмний үндэсний дээлний энгэр, тоорцогийг илтгэсэн хээтэй, буриадын уг гарвал болох хун хатан ижийн хөшөөг өмнөө суурилуулжээ. Цогцолборын үүдний танхимд буриадын зан заншил, хувцас хэрэглэлийг илтгэсэн үзмэрүүд тавьсан зэргээрээ өвөрмөц шийдэлтэй цогцолбор болсон юм.