Баянзаг бааз нь Өмнөговь аймгийн төвөөс хойд зүгт – 100 км, тус аймгийн Булган сумаас зүүн зүгт -18 км, Баянзагийн загтай хоолойн хажууд Гүн-ус худагийн урд дэнж дээр 2003 онд жуулчинд үйлчлэх цэг нэртэй Боловсон ОО , халуун ус барьж ажлаа эхэлсэн. 2004 оноос гэр бааз болсон. 2005 онд баригдсан 2 давхар Мэлхий хэлбэртэй зоогийн газар нь доод давхартаа 50 хүн хүлээн авах багтаамжтай бөгөөд Монгол үндэсний болон Европ хоолоор захиалгаар үйлчилдэг. Дээд давхартаа чөлөөт цагаа өнгөрөөх, ардын урлагийн тоглолт хийдэг. Дэлхийд нээлт хийсэн палеонтологийн олдвороор алдартай Улаан шавар нь манай баазын урд 3 км-т харагддаг бөгөөд энэ газар нь орон нутгийн тусгай хамгаалалтанд байдаг юм. Баянзаг бааз нь эко буюу байгаль орчинд ээлтэй үйл ажиллагаа явуулахыг эрмэлздэг. Нарны энерги ашиглан ус халаадаг төхөөрөмжөөр тоноглогдсон. Энэ нь гал түлэхгүйгээр байнгын халуун устай байх ба нэг зэрэг 4 хүн үйлчлүүлэх боломжтой. Гэрэл цахилгааны эх үүсвэрийг мөн нарны энергээр хангадаг тул үйлчлүүлэгчдийн амрах орчин , тав тухийг хангадаг юм. Тус бааз нь аялагч, жуулчидад зориулан тохижуулсан өргөн 2 ортой 10 гэр, 3-4 ортой 5 гэр, дотроо боловсон 00, цэвэр устай 1 гэр буудалтай.